Bugun Energetika muhandisligi fakultetida “Oʻzmilliybank” AJ viloyat bosh boshqarmasi bilan hamkorlikda “Karyera kunlari” mehnat yarmarkasi oʻtkazildi.

Mazkur tadbir talabalar va bitiruvchilarni sohadagi yetakchi ish beruvchilar bilan tanishtirish, ularning kasbiy koʻnikmalarini rivojlantirish hamda energetika tarmogʻida munosib ish oʻrinlarini topishlariga koʻmaklashish maqsadida oʻtkazildi.

Yarmarkada "Talimarjon IES" aksiyadorlik jamiyati, Qarshi magistral kanali irrigatsiya tizimi boshqarmasi, xorijiy va mahalliy kompaniyalar rahbariyati ishtirok etdi.

Tadbir davomida talabalar ish beruvchilar bilan yuzma-yuz muloqot qilib, oʻzlarini qiziqtirgan savollarga javob oldilar. Shuningdek, yarmarkada iqtidorli talabalar va yosh olimlarning ilmiy tadqiqot ishlari koʻrgazmasi tashkil qilindi.

Soʻngra universitet rektori Sherzod Neʼmatov, "Talimarjon IES" aksiyadorlik jamiyati rahbari Karim Mikati va boshqa masʼullarning talaba-yoshlar bilan muloqoti oʻtkazildi.
